Les miracles de Notre dame

Les Miracles de Notre-Dame
Gautier de Coincy (1177-1236)

Amours qui bien set enchanter

Amours qui bien set enchanter
A plusieurs fet tel chant chanter
Dont les ames deschantent
Je ne vueil moi tel chant chanter
Mais por ce noveau chant chanter
Celui que les anges chantent.

Chantez de lui, tuit chanteeur
(S’enchanterez l’enchanteeur)
Qui souvent nous enchante.
Si de la mere Dieu chantez
Tout en chantant iert enchantez
Bien fu né qui en chante.

Dame en qui sont tous bon confort,
De mes pechez me desconfort
Mais ce me reconforte
Que nul n’est tant desconfortez,
Par toi ne soit tost confortez.
Tes conforts tous conforte.

Douce dame, qui bien te sert
L’amour ton douz Fil en dessert
Bien est droiz com te serve.
Touz cil qui bien te serviront
Joie sanz fin deserviront
Dieu doint je la deserve.

Amen.

écouter

Royne celestre

écouter

Royne celestre,
Bien fusses tu nee
Quant porte et fenestre
Du ciel es nommee
Tant est de haut estre
Pucele sacree
Qu’el ciel a sa destre
T’a Dieu couronnee

Car de ta mamele
Qui tant est mielee
Fu sa bouche bele
Peue et abrevree.
Haute damoisele
Virge beneiiree
Touzli mons t’apele
Partout es reclamee.
Haute pucele pure et monde,
De toi sourt la rousee
Dont as toute la riens du monde
Norrie et arousee.
Royne ennoure
Bien fusse engendree
Car plus es douce et plus plesanz
Et plus sade cent mile tanz
Que mieuz en fresche ree
Riens qua saveur
Sans ta saveur
Ne m’est a savouree
Certes qui ne bee
De toute sa pensee
A toi servir tout en apert
Puis bien dire que s’ame pert
Et qu’ele en iet dampnee
Mais qui te sert Dieu en desert

Royne celestre...

Qui que face rotruenge nouvele

écouter

Qui que face rotruenge nouvele,
Pastourele, son, sonnet ne chançon,
Je chanterai de la sainte pucele
En qui sainz flans le Fils Dieu devint hom.
Il m’est avis certes quant je la nom.
Goutes de miel degoutent de son non.
Je ne vueil mais cha ter se de li non
D’autre dame ne d’autre damoisele
Ne ferai mais, se Dieu plest, dit ne son.


	Talenz m’est pris orendroit	écouter
			Efforcier m’estuet ma voiz	écouter
	Talenz m’est pris orendroit Qu’a mout haut ton De la plus haute qui soit Vous die un nouviau son Sa hautesce ne saroit Dire nul hom Por ce ne vueil si haut droit Chanter se de li non. Dieu me doint sa haute amor N’est dame de sa valour N’onques ne fu a nul jour Nule de si haut non. Eve a mort toz nous livra Par son forfait. Marie nos delivra Par li sons tot refait. Qui de douz cuer l’amera Et de parfet Ja jor dampnez ne sera Por riens qu’il ait meffait. Car de tous ceus tret l’amer Qui la veulent reclamer Dieu, Dieu, Dieu! com douz aimer Si douce dame fet.
			Efforcier m’estuet ma voiz Quant de celui me souvient Qui la sorse est et la doiz Dont tout le bien sourt et vient. Trop est cuverz, trop est froiz Qui ne l’aime, doute et crient. Hé, mere au roy du ciel, Plus es douce de miel. Oste de moi le fiel, Bele douce dame. Mere Dieu, aiés de moi merci, Merci, merci, merci, merci De ma chaitive d’ame. Mere Dieu, tu es la fleur Ou li sires descendi Qui en croiz pour les pecheurs Ses sains membres estendi. Paradis ta grant douceur, Douce dame, nous rendi. Sauz est par toi li monz Porte du ciel et ponz, Doiz de douceur et fonz, Mere Dieu, aiés de moi... Mere Dieu, tu es la tour Qui deffens des ennemis Du diable et de ses tours Tes servans et tes amis. Tant nous rent de grant estorz Li decevanz ennemis Tost nous aurait tentez Veincuz et surmontez Se n’iert tes granz bontez, Bele douce dame. Mere Dieu, aiés de moi merci, Merci, merci, merci, merci De ma chaitive d’ame.
Quant ces flouretes florir vol		écouter
Quant ces flouretes florir voi Et chanter oi ces chanteeurs Por la fleur chant qui a en soi Toutes biautez, toutes valeurs. Ele est et mere et fille a roy, Roses des roses, fleurs dès fleurs. Certes moult l’aim Dieu doinst qu’aint moi Et qu’ele mete bonnes meurs. La fleur dont chant est fleurs royaus, De nule fleur tant de biens n’ist. C’est li vergiez, c’est li praiaus Ou li Espris s’aümbre et gist C’est la pucele emperiaus Qu’apelons mere Jhesu Crist Ou li Filz Dieu qui tant fu biau Por nous sauver chair et sang prist.


S’amour dont sui espris S’amour dont sui espris De chanter me semont, Celi lo, celui pris Qui le pris a du mont. De prisier son grant pris Plusieurs foiz espris m’ont Li bien qu’en ai apris. Or li pri si mee mont, Si me lit m’ame amont Ou dehiteus pourpris Qua pourpris l’ame amont. Paradys bien pourprent Et bien i fait son lit Qui nostre Dame enprent A servir par delit. L’enemi bien souprent Qui de lui chante et lit. Sainte Escripture aprent Que chascun s’i delit N’est nul qui pechez lit S’a li servir se prent Ne l’en jet en deslit.		écouter
			D’une amour quoie et serie	écouter
			Vilaines genz, vous ne les sentez mie Les douz maus que je sens. D’une amour quoie et serie Chanter vueil seriement Gart vilains me escout mie Seur escommuniement Nul qui aint vilainnement Ceste chançon n’ en commant N’est pas dignes qui en die Nès le refrait seulement Vilaines genz, vous ne les sentez mie Les douz maus que je sens. Amour tuit la vraie amie Qui la voie ou ciel aprend; Laissons l’amie ennemie Qui l’ame enguigne et souprent. Qui foie amour entreprent Adès peche, adès mesprent; Adès sert et adès prie Assez donne et petit prent. Vilaines genz, vous ne les sentez mie Les douz maus que je sens.
Mere dieu, virge senee	écouter
Mere Dieu, Virge senee, Nec fus en plain croissant. CROISSANT va tant ta renommee, NOMMEE ies seur tout renom. Toi renom, Toi ho, toi vois aourant; OURANT te quier de cuer fin Qu’a la fin Te truist m’ame secourant. En tes flans, Virge pucele, CELE fist Dieus et reclus. RECLUS il fu com en s’ancele. CELE firce ies dont Dieu traist Le fort trait Dont deable fu confus. Tu FUS la force couranz secouranz Dont en l’angle fu conclus.


Hui matin a l’ajournee	écouter
		Ja pour yver, pour noif ne pour gelee		écouter
Hui matin a l’ajournee Toute m’ambleiire Chevauchai par une pree Par bonne aventure. Une flourete ai trouvee Gente de faiture En la fleur qui tant m’agree Tournai lors ma cure. Adonc fis vers jusqu’a sis De la fleur de paradis Chascun lo qui l’aint et lot. N’i a tel dorenlot, Por voir, tout a un mot. Sache qui m’ot Marvi, mar ot Qui lais Marie pour Marot Qui que chant de Mariëte, Je chant de Marie. Chascun an li doit par dete Une reverdie. C’est la fleurs, la violete La rose espanie, Qui tele oudeur donne et giete, Tous nous rasazie. Haute oudeur seur toute fleur A la mère du haut seigneur. Chascun lo qui l’aint et lot. Sache qui m’ot Marvi, mar ot Qui lais Marie pour Marot Chant Robins de Robardeles, Chant li sot des sotes, Mais tu, chers, qui chantes d’elles, Certes tu rasotes. Laissons ces viès pastoureles, Ces vielles riotes, Si chantons chançon nouvelles, Biaus dis, beles notes, De la fleur dont sanz sejour Chantent anges nuit et jour. Chascun lo qui l’aint et lot. Sache qui m’ot Marvi, mar ot Qui lais Marie pour Marot
		Ja pour yver, pour noif ne pour gelee N’iere esbaubiz, peniceus, muz ne maz Que je ne chant de la dame honnouree Qui Jhesucrist porta entre ses braz. Chascun an faiz de la Virge sacree Un son nouvel dont tout l’an me soulaz Dire puet bien qui a s’amour bien bee Vous ne sentez mie Les douz maus d’amer Ausi com je fais.
		Ma viele	écouter
		Ma vièle Vièler veut un biau son De la bele Qui seur toutes a biau non, En cui Dieu devenir hom Vout jadis Et dont chantent en paradis Ange et archange a haut ton. Porte du ciel Du paradiz, planc et pont Source de mel Ta doulceur en noz se fon. D’enfer qui tan e profon Tu nos defen Qui en dout a posvre sens Car enfer n’a riv ne fon. Douz Dame Par sincer intention Que met en ta protetion Et prie san délation Que ton filz, Marie, ton filz douz Nos fas vivre Qu’il nos fas vivre tos In terra viventium

Entendez tuit ensemble

écouter

Entendez tuit ensemble
et li clerc et li laïc
Le salu Nostre Dame
nul ne sait plus douz lai.
Plus douz bais ne puet estre qu’est Ave Maria
C’est lai chanta li anges quant Dieu se maria.

Eve a mort nous livra
Et Eve porta ve
Mais touz nous delivra
Et mist a port Ave.
Ave, se tu ne fusses, touz li mons fust damnez
Mais Dieu t’eut pourveüe ainz que fust Andanz nez
Pour saner la grief plaie dont Eve nous n’avra
Qui ne t’aime et nonneure ja l’amor Dieu n’avra.

Eve a mort nous livra
Et Eve porta ve
Mais touz nous delivra
Et mist a port Ave.

A la Vierge Marie prions tuit de cuer fin
Qu’avec celui nous face vivre et durer sanz fin
Qui por nous donner vie en la croiz devia
Sa chanson ci finee li prieurs de VIC a.
Tan vos e dict de Nostre Dame
Que pluz n’en sait.

Pour conforter mon cuer et mon courage

Pour conforter mon cuer et mon courage
Un son dirai de la Vierge ennouree
Qui en ciel est enterre aouree
Qui touz nous a delivre du servage
A li amer soit chascuns ententis
Car tant par est debonnaire et gentis
Touz ses amans met ou ciel et marie
Molt se fait bon marier a Marie.

écouter

Pour la Pucele en chantant me deport

écouter

Pour la Pucele en chantant me deport
Qui touz deporz et toute joie aporte.
Molt se deporte en deportant deportEn lui porter honneur qui se deporte
Ne puet venir n'ariver adroit port
Qui ne la sert et honneur ne la porte
Quar c'est li ponz et la planche et la porte
De Paradis ou tout sunt li deport.

écouter

Las, las, las, las, par grant delit

Las, las, las, las, par grant delit
Ai des que ci chante et lit
Or m'a fait tel contraire
Li anemis, li fel, li froiz.
Las, las, las, las, qu'a haute voiz
Crier m'estuet et braire.

Por mon chief reconforter

écouter

Por mon chief reconforter
Por mon corage esjoir
Un popu me vuel deporter
En loer et conjoir
Cele qui pot conforter
Le grand Roi et soustenir
Quant ne puet terre porter
Ciel comprendre ne tenir
Dame quant comportas
Nuef mois tot nostre deport
Por ce pour toi me deport
Que le fil Dieu portas.

Puisque voi la fleur novele

écouter

Puisque voi la fleur novele
Detenir ne me puet nus.
Priorez, cloistre ne cele,
Abbeïe ne reclus.
Que ne chant de la pucele
De la haute damoisele
De lassus
Chanter de nule plus bele
Ne puet nus.

Vers l'index

Vers l'accueil