|
Jacques de Cysoing
Contre la froidor
M’est talent repris
De chanter joliement
Por tres bone amor,
Qui si m’a soupris
Que je sai a escïent
Queja n’en iere partis
Nul jor tant con soie vis,
Ainz servirai loiaument,
Ligement,
Bone Amor a son devis.
Ja n’iere a nul jor
Louseignolz faillis
Qui a femele se prent,
Qui pert sa baudor,
Sa joie et ses cris,
Quant vivre doit liement.
Se mes chanters m’est mens,
N’en doi estre mains jolis,
Maiz pluz envoisiement
Et souvent
Doi chanter, ce m’est avis.
Dame de valor
Qui maintient bon pris
Tient fin ami en jouvent ;
S’en bee a honor
Cuers qui est assis
En tel lieu veraiement,
Se guerredons en est pris.
Cil n’est mie fins amis
Qui n’en a amendement,
Quant il prent
Don de si bon lieu tramis. |
écouter |
|
|