Gillebert de Berneville Chant satirique : J’ai fait maint vers... J'ai fet maint vers de chançon Et si mainte foiz chanté ; Onques n'en oi guerredon, Nis tant c'on m'en seüst gré, Mes ja por ce n'iere faus. Toz fins et loiais M'en irai, Et serai Sages, si me retrerai D'amer celi Ou il n'a point de merci Je ne donroie un bouton D'amors ne de sa fierté ; Issuz sui de sa prison, Ou j'ai maint mal enduré. Amors n'est fors paine et maux, Tormenz et travauz; Joie n'ai Quant les ai ; Et por ce me retrerai D'amer celi Ou il n'a point de merci Se j'amasse traïsson Ne me dit me fauseté, L'on meüst tenu a bon Et si m'eüst on amé. Certes, amors desloiaus, Je n'iere  de çaus, Ainz ferai, Quant voudrai Chançon si me retrerai D'amer celi Ou il n'a point de merci écouter Nus ne se puet avancier En amer fors par mentir ; Et qui meuz s'en set aidier, Plus tost en a son plesir. Qui fame justisera Ja ne l'amera Par couvent Loiaument ; Et por ce je me repent D'amer celi Ou il n'a point de merci Certes, ja celer ne le quier : G'enpris ma dame a servir ; Rendu m'en a  tel loier Qu'ele me cuida traïr. Voirs fu, s'amor m'otroia, Mes el me gaba Por vil gent. Vengement M'n doint Deus! Je me repent D'amer celi Ou il n'a point de merci

Gillebert de Berneville Chant d'amour : Hé, Amors, je fuis norris Hé, amors, je fui norris En vostre covent Et cuidai manoir tos diz En vos ligement Sanz ja dessevrer ; Mais je n'i porrai durer, Ce m'est avis, Car de totes parts sui assaillis Se n'i ai mort deservie ; Mes biens vueill qu'amors m'ocie. Ainc mais nus si entrepris Ne fus por noient, N'onques si loiaux amis N'ot tant de torment Cont j'ai por amer, Car ceus ou me doi fier Truis anemis. Deus m'en doint venjance a mon devis. Car n'i ai mort deservie; Mes biens vueill qu'amors m'ocie. Mout es mes cuers esbahiz Qui tant de maus sent, Si ne sai pas deservis Ne ne sai conment M'en puisse eschiver. Hé las! por li foi porter Sui je trahis, Si que des malvés en sui haïs, Si n'i ai mort deservie ; Mes biens vueill qu'amors m'ocie. écouter Et puis que sui acueilliz De si mal gent Bele, e, qui j'ai mon cuer mis, Car aiez talent De moi conforter, U je ne puis eschaper De lor mains vis ; Et se vos volez, je suis garis, Car n'i ai mort deservie ; Mes biens vueill qu'amors m'ocie. Tout le pooir mout pou pris Et le nuisement De ceux dont je sui faidis, S'en vo biau cors gent Puis merci trover. Aidiez m'as resvigorer, Car vos porfis Iert, s'eschaper puyis sanz estre ocis, Car n'i ai mort deservie ; Mes biens vueill qu'amors m'ocie. Damoisele de grant pris, Tasse, proiez l'ent Qu'a ceus par cui sui nuisis Prende vengement. Par moi rapeler, Les cuers lor feroit crever, De ce sui fis ; Et je n'ai pas ces maus deservis ; E quant n'ai mort deservie, N'est pas drois qu'amors m'ocie.

écouter Gillebert de Berneville Rotrouenge : De moi dolereus vos chant. De moi dolereus vos chant. Je fui nez en descroissant, N'onques n'eu en mon vivant Deus bons jors. J'ai a non Mescheans d'Amors Adès vois merci criant : Amors, aidiez vos servant ! N'ainc ni peu trover noiant De secors. J'ai a non Mescheans d'Amors Hé! trahitor mesdisant Con vos estes mal parlant ! Tolu avez maint amant Lor honors. J'ai a non Mescheans d'Amors Certes, pierre d'aÿmant Ne desirre pas fer tant Con je sui d'un douz samblant Covoitoz J'ai a non Mescheans d'Amors écouter Gillebert de Berneville Rotrouenge Cui doient li losengier Por ce se il ont menti, Que je me doie esloignier D'amors et de mon ami. E non Dieu, je l'amerai, et bon amor servirai Nuit et jor, Sana fere folor, Et g'iere envoisie, Chantant et jolie. Ja ne m'enqier esloignier des mesdisanz diraisi : S'amerai mon ami chier. Dex, car fust il ore ici ! Li biax, li blousau cuer vrai, Qu'ainz plus vaillant n'es gardai. Sai amors, El m'ont a meillors, S'en sui renvoisie, Chantant et jolie. J'ai au cuer un mesagier D'amors cortois et joli, Qui me fet resleëcier Chascun jor parole ami. Il m'a dit que je vaincrai Mesdisanz et recrerrai. Menteor Vivront a dolor Et g'iere envoisie, Chantant et jolie. Mesdisanz, fol losengier, Je ne vos prisun espi, Or croisent vostre enconbrier. Que j'ai le cuer si hardi Mon ami acolerai Si tost com je le verrai. A cetor serez en languor, Et g'iere envoisie, Chantant et jolie. Chançonete, tu iras A mon ami, silidi, Pour Dieu que il n'oublie pas Cors dont a le cuer sesi. Ja nel lest pour mesdisanz ; Je sai maz et recreanz. Or morrez, mesdisanz, huez Et g'iere envoisie, Chantant et jolie. Vers l'index Retour Vers l'accueil