écouter Richart de Semilli Chanson de rencontre L'autrier tout seus chevauchoie mon chemin A l'issue de Paris par un matin Oï dame bele et gente en un jardin Ceste chançon noter "Dame qui a mal mari S'el fet ami N'en fet pas a blasmer" Vers li me tres, si li dis : "Suer dites moi Pourquoi parlez vos d'ami?Est ce desroi ? — Sire, je vous le dirai mout bien por quoi Janel vous quier celer : "Dame qui a mal mari S'el fet ami N'en fet pas a blasmer" A un vilain m'ont donee mi parent, Qui ne fet auner fors et or et argent, Et me fet d'ennui morir assez sovent, Qu'il ne me let jöer "Dame qui a mal mari S'el fet ami N'en fet pas a blasmer" Sire, je n'iroie pas hors de Paris. J'avroie perdu honeur mes a tous dis, Mes ici l'acoupirai, se trouver puis Nus qui me vueille amer." "Dame qui a mal mari S'el fet ami N'en fet pas a blasmer" Je li dis : "Ma douce suer, se Deus me saut. Vez ci vostre douz ami que ne vous faut : Venez vous en avec moi, se ne vous chaut, Si de lessiez ester." "Dame qui a mal mari S'el fet ami N'en fet pas a blasmer" Quant je vi qu'avecques moi ne vout venir. Je li fis le gieu d'amour au departir. Puis me pria et requist qu'au revenir Alasse a li parler. "Dame qui a mal mari S'el fet ami N'en fet pas a blasmer" Vers l'index Retour Vers l'accueil